പേരാമ്പ്ര: കോടിയേരി ബാലകൃഷ്ണൻ അനുസ്മരണ പരിപാടി നടക്കുന്ന സ്ഥലത്തേക്ക് യൂത്ത് കോൺഗ്രസ് നടത്തിയ പ്രകടനം DYFI പ്രവർത്തകർ തടഞ്ഞതിനെ തുടർന്ന് പേരാമ്പ്രയിൽ സംഘർഷാവസ്ഥ.
അനുസ്മരണ ചടങ്ങ് നടക്കുന്ന മേഖലയിലേക്ക് യൂത്ത് കോൺഗ്രസ് പ്രവർത്തകർ പ്രകടനമായെത്തിയതാണ് തർക്കങ്ങൾക്ക് തുടക്കമിട്ടത്. വിവരമറിഞ്ഞ് വൻതോതിൽ സിപിഐഎം-DYFI പ്രവർത്തകർ സ്ഥലത്ത് തടിച്ചുകൂടുകയും പ്രകടനം ശക്തമായി തടയുകയുമായിരുന്നു. "ഒരു അടി പോലും മുന്നോട്ട് വിടില്ല" എന്ന് DYFI പ്രഖ്യാപിച്ചപ്പോൾ, "മുന്നോട്ട് പോകാതെ പിൻമാറില്ല" എന്ന് യൂത്ത് കോൺഗ്രസ് പ്രവർത്തകരും നിലപാടെടുത്തു.
ഇരുവിഭാഗങ്ങളും തമ്മിൽ വാക്കുതർക്കം രൂക്ഷമായതോടെ പോലീസ് സ്ഥലത്തെത്തി ഇടപെട്ടു. ഇരുവിഭാഗത്തോടും തിരികെ പോകാൻ പോലീസ് ആവശ്യപ്പെട്ടെങ്കിലും യൂത്ത് കോൺഗ്രസ് പ്രവർത്തകർ ആദ്യം വഴങ്ങിയില്ല. ഇതിനിടെ, "ധൈര്യമുണ്ടെങ്കിൽ മുന്നോട്ട് വാ" എന്ന് DYFI പ്രവർത്തകർ വെല്ലുവിളിക്കുകയും ചെയ്തു.
സിപിഐഎം പ്രവർത്തകർ വൻതോതിൽ തടിച്ചുകൂടിയതും സാഹചര്യം വഷളാവാൻ സാധ്യതയുണ്ടെന്ന് മനസ്സിലാക്കിയതിനെയും തുടർന്ന് യൂത്ത് കോൺഗ്രസ് പ്രവർത്തകർ ഒടുവിൽ പ്രകടനം അവസാനിപ്പിച്ച് മടങ്ങുകയായിരുന്നു. പോലീസിന്റെ സമയോചിതമായ ഇടപെടലും വൻ അക്രമസംഭവങ്ങൾ ഒഴിവാക്കി.
Post a Comment