വായ്പ പലിശനിരക്ക് വർധിപ്പിച്ച് റിസർവ് ബാങ്ക് ഓഫ് ഇന്ത്യ. റിപ്പോ നിരക്കിൽ 25 ബേസിക് പോയിന്റിന്റെ വർധനയാണ് ആർബിഐ വരുത്തിയത്. 2023 ഫെബ്രുവരി ഒന്നിന് ശേഷം ഇതാദ്യമായാണ് ആർബിഐ പലിശനിരക്ക് വർധിപ്പിക്കുന്നത്. 5.25 ശതമാനത്തിൽ നിന്ന് 5.5 ശതമാനമാക്കിയാണ് വായ്പ പലിശനിക്ക് ആർബിഐ വർധിപ്പിച്ചിരിക്കുന്നത്. പലിശനിരക്ക് കൂട്ടിയതോടെ ഭവന, വാഹന, വ്യക്തിഗത വായ്പകൾ ഉയരും. ആർ.ബി.ഐ. ഗവർണർ സഞ്ജയ് മൽഹോത്രയാണ്‌ വാർത്താസമ്മേളനത്തിൽ നിരക്കുവർധന അറിയിച്ചത്.
റിസർവ് ബാങ്കിന്റെ വായ്പാ നയ പ്രഖ്യാപനത്തിലാണ് നിരക്ക് കൂട്ടിയതായി അറിയിച്ചത്. മൂന്ന് വർഷത്തിന് ശേഷമാണ് റിപ്പോ നിരക്കിൽ വർധനവുണ്ടാകുന്നത്. റിപ്പോ നിരക്ക് നിലവിലെ 5.25 ൽ നിന്നാണ് 5.50 ആക്കി ഉയർത്തിയത്. ഇതോടെ വായ്പയെടുത്തവരുടെ ഇഎംഐ ഭാരം കൂടും.
ഭവന, വാഹന, വ്യക്തിഗത വായ്പകളുടെ പലിശനിരക്ക് കൂടാനുള്ള സാധ്യതയൊരുങ്ങിയത് സാധാരണക്കാർക്ക് തിരിച്ചടിയാണ്. പണപ്പെരുപ്പനിരക്കിലെ വർധന, രൂപയുടെ മൂല്യമിടിവ്, ആഗോളവിപണിയിലെ ക്രൂഡ് വിലവർധന, യു.എസ്. ഫെഡ് അടക്കമുള്ള കേന്ദ്രബാങ്കുകൾ നിരക്ക് ഉയർത്തുന്നത് എന്നിവയാണ് പ്രധാന കാരണങ്ങൾ. രാജ്യത്തെ മൊത്ത ആഭ്യന്തരഉത്പാദന (ജി.ഡി.പി.) വളർച്ച പ്രതീക്ഷിച്ചതിലും മികച്ച രീതിയിൽ തുടരുമ്പോഴും പണപ്പെരുപ്പം നിയന്ത്രണവിധേയമാക്കാൻ ലക്ഷ്യമിട്ടാണ് ആർ.ബി.ഐ.യുടെ ഈ നീക്കം.
Post a Comment