ഉണ്ണികുളം ഗ്രാമപഞ്ചായത്തിൽ വാർഡ് വിഭജനത്തെ തുടർന്ന് വാർഡുകളുടെ എണ്ണം 23-ൽ നിന്ന് 24 ആയി വർദ്ധിച്ചതിനാൽ പുതുക്കിയ വാർഡ് നമ്പർ പ്രകാരമുള്ള പുതിയ കെട്ടിട നമ്പറുകൾ 2026 സെപ്റ്റംബർ 3 മുതൽ പ്രാബല്യത്തിൽ വന്നതായി ഗ്രാമപഞ്ചായത്ത് പ്രസിഡന്റും സെക്രട്ടറിയും അറിയിച്ചു.
പുതുക്കിയ കെട്ടിട നമ്പറുകൾ സംബന്ധിച്ച വിവരങ്ങൾ ഉടമസ്ഥരെ എസ്.എം.എസ് (SMS) മുഖേന അറിയിച്ചിട്ടുണ്ട്. സെപ്റ്റംബർ 3 മുതൽ പഞ്ചായത്തിൽ നിന്നുള്ള നികുതി ഒടുക്കൽ, മറ്റ് അനുബന്ധ സേവനങ്ങൾ എന്നിവ പുതിയ കെട്ടിട നമ്പറിലായിരിക്കും ലഭ്യമാവുക.
ഇനി മുതൽ ഗ്രാമപഞ്ചായത്തിൽ സമർപ്പിക്കുന്ന എല്ലാ അപേക്ഷകളിലും പുതുക്കിയ വാർഡ് നമ്പറും കെട്ടിട നമ്പറും തന്നെയാണ് രേഖപ്പെടുത്തിയിട്ടുള്ളതെന്ന് പൊതുജനങ്ങൾ ഉറപ്പുവരുത്തണമെന്ന് അധികൃതർ അഭ്യർത്ഥിച്ചു.
Post a Comment