കൊച്ചി: പത്താമത് മലയാള പുരസ്കാരങ്ങൾ പ്രഖ്യാപിച്ചു. 'ഇതുമെൻ്റെ നഷ്ടവസന്തത്തിന്' എന്ന കവിതയിലൂടെ ഉള്യേരിക്കാരൻ യുവ കവി ഷിജു കെ. പറങ്ങോടൻ മികച്ച കവിതയ്ക്കുള്ള പ്രത്യേക പുരസ്കാരത്തിന് അർഹനായി. സമഗ്ര സംഭാവനയ്ക്കുള്ള പുരസ്കാരങ്ങൾ ഉൾപ്പെടെ വിവിധ മേഖലകളിലെ പ്രമുഖർക്ക് പുരസ്കാരങ്ങൾ നൽകി ആദരിക്കും.
കലാമണ്ഡലം ഗോപി ആശാൻ (കഥകളി), വൈശാഖൻ (സാഹിത്യം), ജഗതി ശ്രീകുമാർ (ചലച്ചിത്രം), കെ.ആർ. വിജയ (ചലച്ചിത്രം), തങ്കമണി ഭരത്കുമാർ ടീച്ചർ (തിരുവാതിരക്കളി), സതീഷ് സംഘമിത്ര (നാടകം) എന്നിവർക്കാണ് സമഗ്ര സംഭാവനയ്ക്കുള്ള പുരസ്കാരം.
മറ്റ് പ്രധാന പുരസ്കാരങ്ങൾ:
മികച്ച ചലച്ചിത്രം: പെണ്ണും പൊറോട്ടും (സന്തോഷ് കുരുവിള, രാജേഷ് മാധവൻ)
മികച്ച സംവിധായകൻ: ചിദംബരം (ചിത്രം: ബാലൻ ദി ബോയ്)
മികച്ച നടൻ: ഇന്ദ്രൻസ് (ചിത്രം: ചിന്ന ചിന്ന ആസൈ)
മികച്ച നടി: ഫർസാന പാലത്തിങ്കൽ (ചിത്രം: ബാലൻ ദി ബോയ്)
മികച്ച സഹനടൻ: സായികുമാർ (ചിത്രം: തുടക്കം)
മികച്ച സഹനടി: ബിയാന മോമിൻ (ചിത്രം: എക്കോ)
മികച്ച പുതുമുഖ നടൻ: ആഷിർ (ചിത്രം: വാഴാ 2)
മികച്ച പുതുമുഖ നടി: വിസ്മയ മോഹൻലാൽ (ചിത്രം: തുടക്കം)
മികച്ച നവാഗത സംവിധായകൻ: ജിതിൻ കെ. ജോൺ (ചിത്രം: കളങ്കാവൽ)
മികച്ച നവാഗത സംവിധായിക: വർഷ വാസുദേവ് (ചിത്രം: ചിന്ന ചിന്ന ആസൈ)
മികച്ച ജനപ്രിയ നടൻ: സാഗർ സൂര്യ (ചിത്രം: പ്രകമ്പനം)
മികച്ച ബാലനടൻ: മാസ്റ്റർ ആദിശേഷൻ കെ.ആർ. (ചിത്രം: ബാലൻ ദി ബോയ്)
മികച്ച നാടക നടൻ: പ്രമോദ് വെളിയനാട് (നാടകം: മാടൻ മോക്ഷം)
സാഹിത്യ വിഭാഗം പുരസ്കാരങ്ങൾ:
മികച്ച കവിതാ സമാഹാരം: ഡോ. ഇമൽഡ ജോസഫ് (ആത്മാവിന്റെ പ്രണയം)
മികച്ച നോവൽ: പി. വി. ഷാജി കുമാർ (മരണ വംശം - മാതൃഭൂമി ബുക്സ്), നീതാ സുഭാഷ് (പ്രണയത്തിന്റെ റെഡ് വൈൻ)
മികച്ച ബാലസാഹിത്യ നോവൽ: പ്രശാന്ത് വിസ്മയ (ഉവ്വാവു കുട്ടിയും അപ്പൂപ്പൻ താടിയും)
മികച്ച ഓർമ്മക്കുറിപ്പുകൾ: ശ്രീകല സുഖാദിയ
കൂടാതെ വിജേഷ് പാണത്തൂർ (സംവിധായകൻ - പ്രകമ്പനം), വിനോദ് സാഗർ (നടൻ - ഉയർ), ആഷിഷ് ജോ ആന്റണി (നടൻ - തുടക്കം), അനസ് സൈനുദ്ദീൻ (നടൻ - കരിമ്പടം), ദിയ (നടി - കൂടോത്രം), ശ്രീധന്യ വിശ്വനാഥ് (നടി - ബട്ടർഫ്ലൈ ഗേൾ 85) എന്നിവർക്ക് പ്രത്യേക പുരസ്കാരങ്ങളും ലഭിച്ചു.
ഓണത്തിനു ശേഷം നടക്കുന്ന പ്രത്യേക ചടങ്ങിൽ പുരസ്കാരങ്ങൾ സമർപ്പിക്കുമെന്ന് മലയാള പുരസ്കാര സമിതി അധ്യക്ഷൻ ശ്രീ. ജി.കെ. പിള്ള തെക്കേടത്തും സ്ഥാപക ജനറൽ സെക്രട്ടറി ശ്രീ. ഇസ്മായിൽ കൊട്ടാരപ്പാട്ടും വാര്ത്താസമ്മേളനത്തില് അറിയിച്ചു.
Post a Comment