സംസ്ഥാനത്ത് ഇന്ന് ശക്തമായ മഴയ്ക്ക് സാധ്യത. ആറ് ജില്ലകളിൽ യെല്ലോ അലർട്ട് പ്രഖ്യാപിച്ചു. വടക്കൻ കേരളത്തിലെ കാസർകോട്, കണ്ണൂർ, കോഴിക്കോട്, മലപ്പുറം എന്നീ ജില്ലകളിലും, മധ്യകേരളത്തിലെ തൃശൂർ, എറണാകുളം എന്നീ ജില്ലകളിലുമാണ് ശക്തമായ മഴയ്ക്കുള്ള സാധ്യത മുൻനിർത്തി യെല്ലോ അലർട്ട് നൽകിയിട്ടുള്ളത്.ഒറ്റപ്പെട്ട ഇടങ്ങളിൽ ശക്തമായ മഴയോടൊപ്പം ഇടിമിന്നലിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചിട്ടുണ്ട്. അതിനാൽ പൊതുജനങ്ങൾ ഇടിമിന്നൽ സമയത്ത് സുരക്ഷിതമായ ഇടങ്ങളിലേക്ക് മാറി നിൽക്കാനും, അത്യാവശ്യമില്ലാത്ത യാത്രകൾ ഒഴിവാക്കാനും പ്രത്യേകം ശ്രദ്ധിക്കണം. തുറസായ സ്ഥലങ്ങളിൽ നിൽക്കുന്നത് ഒഴിവാക്കുക.
Post a Comment