വടകരയിൽ സ്കൂട്ടറിൽ കടത്തുകയായിരുന്ന മെത്താംഫിറ്റമിനുമായി ഒരാളെ എക്സൈസ് സംഘം പിടികൂടി. കുരിക്കിലാട് സ്വദേശി കാസിം വി.കെ (48) ആണ് അറസ്റ്റിലായത്.
വടകര എക്സൈസ് റേഞ്ച് ഓഫീസിലെ ഇൻസ്പെക്ടർ ജിനു ജെയിംസ് ബി.-യും സംഘവും നടത്തിയ പരിശോധനയ്ക്കിടെയാണ് പ്രതി പിടിയിലാകുന്നത്. പ്രതി സഞ്ചരിച്ചിരുന്ന സ്കൂട്ടറിൽ നിന്ന് 6.7 ഗ്രാം മെത്താംഫിറ്റമിൻ പിടിച്ചെടുത്തു.
പിടികൂടിയ മയക്കുമരുന്നുമായി പ്രതിയെ എക്സൈസ് കസ്റ്റഡിയിലെടുത്തു. തുടർനടപടികൾക്കായി പ്രതിയെ കോടതിയിൽ ഹാജരാക്കും. എക്സൈസ് സംഘത്തിൽ പ്രിവന്റീവ് ഓഫീസർമാരും സിവിൽ എക്സൈസ് ഓഫീസർമാരും ഉൾപ്പെടെയുള്ളവർ പങ്കെടുത്തു.
Post a Comment