താമരശ്ശേരിയിൽ യുവതിയ്ക്ക് നേരെ ലൈംഗിക അതിക്രമം നടത്തിയ കോൺഗ്രസ് നേതാവിനെതിരെ കേസ്. താമരശ്ശേരി മുൻ പഞ്ചായത്ത് പ്രസിഡന്റും കെ പി സി സി അംഗവുമായ എ. അരവിന്ദനെതിരെയാണ് താമരശ്ശേരി പൊലീസ് കേസെടുത്തത്. സ്ഥാപനത്തിന്റെ കാലാവധി നീട്ടാൻ സഹായം തേടിയെത്തിയ യുവതിക്ക് നേരെയാണ് ഇയാൾ അതിക്രമം നടത്തിയത്. വീട്ടിലേക്ക് വിളിച്ചുവരുത്തി പീഡിപ്പിക്കാൻ ശ്രമിച്ചെന്നാണ് യുവതി പരാതിയിൽ പറയുന്നത്. ഇന്ന് ഉച്ചയ്ക്ക് രണ്ട് മണിയോടെയാണ് സംഭവം. യുവതിയുടെ പരാതിയിൽ മാനഭംഗശ്രമം ഉൾപ്പെടെയുള്ള വകുപ്പുകൾ ചുമത്തി.
Post a Comment